त इन्नि॒ण्यं हृद᳚यस्य प्रके॒तैः स॒हस्र᳚वल्शम॒भि सं च᳚रन्ति ।
य॒मेन᳚ त॒तं प᳚रि॒धिं वय᳚न्तो॑प्स॒रस॒ उप᳚ सेदु॒र्वसि᳚ष्ठाः ॥
य॒मेन᳚ त॒तं प᳚रि॒धिं वय᳚न्तो॑प्स॒रस॒ उप᳚ सेदु॒र्वसि᳚ष्ठाः ॥
पदपाठः (Word-by-word)
ते । इत् । नि॒ण्यम् । हृद᳚यस्य । प्र॒॑के॒तैः । स॒हस्र᳚॑वल्शम् । अ॒भि । सम् । च॒र॒न्ति॒ ।
य॒मेन᳚ । त॒तम् । प॒रि॒॑धिम् । वय᳚न्तः । अ॒प्स॒रसः᳚ । उप᳚ । से॒दुः॒ । वसि᳚ष्ठाः ॥
य॒मेन᳚ । त॒तम् । प॒रि॒॑धिम् । वय᳚न्तः । अ॒प्स॒रसः᳚ । उप᳚ । से॒दुः॒ । वसि᳚ष्ठाः ॥
सायणभाष्यम् (Sayana Commentary)
तइत् तएव वसिष्ठाः निण्यं तिरोहितं दुर्ज्ञानं निण्यं सस्वरित्यंतर्हितनामसु पाठात् सहस्रवल्शं सहस्रशाखं संसारं हृदयस्य प्रकेतैः प्रज्ञानै- रभिसंचरन्ति एवं स्वाच्छन्द्येनाभिसंचरन्तस्तेवसिष्ठाः यमेनकारणात्मना सर्वनियंत्रा ततं विस्तृतं परिधिं वस्त्रं परिधिरित्येनन जन्मा- दिप्रवाहोविवक्षितः तं वयंतोऽप्सरसो जननीत्वेनोपसेदुः । अत्र वसिष्ठाइति बहुवचनं पूजायां वसिष्ठः पूर्वं प्रजापतेरुत्पन्नं देहमुत्सृज्या- प्सरस्सु जायेयेति बुद्धिमकरोदितिभावः ॥ ९ ॥