यद्द᳚धि॒षे प्र॒दिवि॒ चार्वन्नं᳚ दि॒वेदि᳚वे पी॒तिमिद᳚स्य वक्षि ।
उ॒त हृ॒दोत मन᳚सा जुषा॒ण उ॒शन्नि᳚न्द्र॒ प्रस्थि᳚तान्पाहि॒ सोमा᳚न् ॥
उ॒त हृ॒दोत मन᳚सा जुषा॒ण उ॒शन्नि᳚न्द्र॒ प्रस्थि᳚तान्पाहि॒ सोमा᳚न् ॥
पदपाठः (Word-by-word)
यत् । द॒धि॒षे । प्र॒॑दिवि᳚ । चारु᳚ । अन्न᳚म् । दि॒वे॑दि᳚वे । पी॒तिम् । इत् । अ॒स्य॒ । व॒क्षि॒ ।
उ॒त । हृ॒दा । उ॒त । मन᳚सा । जु॒षा॒णः । उ॒शन् । इ॒न्द्र॒ । प्र॑स्थि᳚तान् । पा॒हि॒ । सोमा᳚न् ॥
उ॒त । हृ॒दा । उ॒त । मन᳚सा । जु॒षा॒णः । उ॒शन् । इ॒न्द्र॒ । प्र॑स्थि᳚तान् । पा॒हि॒ । सोमा᳚न् ॥
सायणभाष्यम् (Sayana Commentary)
हे इन्द्र प्रदिवि प्रगतेषु दिवसेषु पूर्वस्मिन्काले चारु शोभनं यत् सोमलक्षणमन्नं दधिषे पानेनोदरे धारयसि अस्य सोमस्य पीतिमित् पानमेव दिवेदिवे प्रतिदिवसं इदानीमपि वक्षि कामयसे वशकान्तावित्यस्य सिपि शपोलुकि षत्वकत्वषत्वेष्वेतद्रूपम् उतापिच हे इन्द्र त्दृदा त्दृदयेन उत शब्दश्चर्थे मनसा च जुषाणः सेवमानः उशन् अस्मान् कामयमानस्त्वं प्रस्थितान् पुरस्तान्नीतान् उत्तरवेदिस्थान् सोमान् पाहि पिब ॥ २ ॥