यद्यो॒धया᳚ मह॒तो मन्य᳚माना॒न्त्साक्षा᳚म॒ तान्बा॒हुभि॒ः शाश᳚दानान् ।
यद्वा॒ नृभि॒र्वृत᳚ इन्द्राभि॒युध्या॒स्तं त्वया॒जिं सौ᳚श्रव॒सं ज᳚येम ॥
यद्वा॒ नृभि॒र्वृत᳚ इन्द्राभि॒युध्या॒स्तं त्वया॒जिं सौ᳚श्रव॒सं ज᳚येम ॥
पदपाठः (Word-by-word)
यत् । यो॒धयाः᳚ । म॒ह॒तः । मन्य᳚मानान् । साक्षा᳚म । तान् । बा॒हु॑भिः᳚ । शाश᳚दानान् ।
यत् । वा॒ । नृ॑भिः᳚ । वृतः᳚ । इ॒न्द्र॒ । अ॒भि॒॑युध्याः᳚ । तम् । त्वया᳚ । आ॒जिम् । सौ॒श्र॒व॒सम् । ज॒ये॒म॒ ॥
यत् । वा॒ । नृ॑भिः᳚ । वृतः᳚ । इ॒न्द्र॒ । अ॒भि॒॑युध्याः᳚ । तम् । त्वया᳚ । आ॒जिम् । सौ॒श्र॒व॒सम् । ज॒ये॒म॒ ॥
सायणभाष्यम् (Sayana Commentary)
हे इन्द्र महतः प्रभूतान् मन्यमानान् शत्रून्यद्यदा योधयाः अस्माभिर्योधयेः तैः सहयोद्धुं बलं प्रयच्छेरित्यर्थः तदानीं शाशदानान् हिंसत- स्तान् शत्रून् बाहुभिः आयुधनिरपेक्षैः हस्तैरेव त्वत्प्रसादात् साक्षाम सहेम अभिभवेम । यद्वा यदिवा हे इन्द्र नृभिः नेतृभिर्मरुद्भिर्वृतः त्वमेवाभियुध्याः अस्मदीयान् शत्रूनभियुध्यस्व सौश्रवसं यशोवा शोभनस्य श्रवसोहेतुं तमाजिं संग्रामं त्वया सहायेन वयं जयेम ॥ ४ ॥