प्रेन्द्र᳚स्य वोचं प्रथ॒मा कृ॒तानि॒ प्र नूत᳚ना म॒घवा॒ या च॒कार᳚ ।
य॒देददे᳚वी॒रस᳚हिष्ट मा॒या अथा᳚भव॒त्केव᳚ल॒ः सोमो᳚ अस्य ॥
य॒देददे᳚वी॒रस᳚हिष्ट मा॒या अथा᳚भव॒त्केव᳚ल॒ः सोमो᳚ अस्य ॥
पदपाठः (Word-by-word)
प्र । इन्द्र᳚स्य । वो॒च॒म् । प्र॒थ॒मा । कृ॒तानि᳚ । प्र । नूत᳚ना । म॒घ॑वा᳚ । या । च॒कार᳚ ।
य॒दा । इत् । अदे᳚वीः । अस᳚हिष्ट । मा॒याः । अथ᳚ । अ॒भ॒व॒त् । केव᳚लः । सोमः᳚ । अ॒स्य॒ ॥
य॒दा । इत् । अदे᳚वीः । अस᳚हिष्ट । मा॒याः । अथ᳚ । अ॒भ॒व॒त् । केव᳚लः । सोमः᳚ । अ॒स्य॒ ॥
सायणभाष्यम् (Sayana Commentary)
इन्द्रस्य कृतानि वीर्यकर्माणि प्रथमा प्रथमानि पुरातनानि प्रवोचं प्रब्रवीमि । मघवा धनवानिन्द्रः या यानि चकार कृतवान् नूतना नूतनान्यभिनवानिच तानि प्रवोचं यदेत् यदैव अदेवीः आसुरीर्मायाः तैः कृताः असहिष्ट अभ्यभूत् अथानन्तरमेव अस्येन्द्रस्य सोमः केवलः असाधारणो॓ऽभवत् तदा प्रभृत्येव सोमस्येन्द्रस्य चासाधारणः संबन्धोजातइत्यर्थः ॥ ५ ॥