तवे॒दं विश्व᳚म॒भितः᳚ पश॒व्यं१॒᳚ यत्पश्य᳚सि॒ चक्ष᳚सा॒ सूर्य᳚स्य ।
गवा᳚मसि॒ गोप᳚ति॒रेक᳚ इन्द्र भक्षी॒महि᳚ ते॒ प्रय᳚तस्य॒ वस्व᳚ः ॥
गवा᳚मसि॒ गोप᳚ति॒रेक᳚ इन्द्र भक्षी॒महि᳚ ते॒ प्रय᳚तस्य॒ वस्व᳚ः ॥
पदपाठः (Word-by-word)
तव᳚ । इ॒दम् । विश्व᳚म् । अ॒भितः᳚ । प॒श॒व्य᳚म् । यत् । पश्य᳚सि । चक्ष᳚सा । सूर्य᳚स्य ।
गवा᳚म् । अ॒सि॒ । गो॑प᳚तिः । एकः᳚ । इ॒न्द्र॒ । भ॒क्षी॒महि᳚ । ते॒ । प्र॑य᳚तस्य । वस्वः᳚ ॥
गवा᳚म् । अ॒सि॒ । गो॑प᳚तिः । एकः᳚ । इ॒न्द्र॒ । भ॒क्षी॒महि᳚ । ते॒ । प्र॑य᳚तस्य । वस्वः᳚ ॥
सायणभाष्यम् (Sayana Commentary)
हे इन्द्र पशव्यं पशवोद्विविधाः द्विपादश्चतुष्पादश्च तेभ्योहितं अभितः सर्वतोविद्यमानं इदं विश्वं सर्वं जगत् तव तवैव स्वभूतं सूर्यस्य प्रेरकस्यादित्यस्य चक्षसा तेजसा यद्विश्वं पश्यसि त्वं प्रकाशयसि अपिच हे इन्द्र एकएव त्वं गोपतिरसि नकेवलमेकस्याएव गोपतिः अपितु सर्वासामित्याह गवामिति अतः कारणात् ते त्वया प्रयतस्य प्रत्तस्य द्वितीयार्थेषष्ठी प्रत्तं वस्वोधनं भक्षीमहि भजेमहि ॥ ६ ॥