ज॒ज्ञा॒नः सोमं॒ सह᳚से पपाथ॒ प्र ते᳚ मा॒ता म᳚हि॒मान᳚मुवाच ।
एन्द्र᳚ पप्राथो॒र्व१॒᳚न्तरि᳚क्षं यु॒धा दे॒वेभ्यो॒ वरि᳚वश्चकर्थ ॥
एन्द्र᳚ पप्राथो॒र्व१॒᳚न्तरि᳚क्षं यु॒धा दे॒वेभ्यो॒ वरि᳚वश्चकर्थ ॥
पदपाठः (Word-by-word)
ज॒ज्ञा॒नः । सोम᳚म् । सह᳚से । प॒पा॒थ॒ । प्र । ते॒ । मा॒ता । म॒हि॒मान᳚म् । उ॒वा॒च॒ ।
आ । इ॒न्द्र॒ । प॒प्रा॒थ॒ । उ॒रु । अ॒न्तरि᳚क्षम् । यु॒धा । दे॒वेभ्यः᳚ । वरि᳚वः । च॒क॒र्थ॒ ॥
आ । इ॒न्द्र॒ । प॒प्रा॒थ॒ । उ॒रु । अ॒न्तरि᳚क्षम् । यु॒धा । दे॒वेभ्यः᳚ । वरि᳚वः । च॒क॒र्थ॒ ॥
सायणभाष्यम् (Sayana Commentary)
हे इन्द्र त्वं जज्ञानोजायमानएव सहसे बलाय सोमं पपाथ पीतवानसि ते तव महिमानं महत्त्वं माता त्वदीया जननी अदितिः प्रोवाच प्रोक्तवती संवादसूक्ते अयंपन्थाइत्यादिके । नहीन्वस्येत्यर्धर्चादारभ्य अदित्याइन्द्रमहत्वस्योक्तत्वात् । अतः कारणात् हे इन्द्र त्वं उरु विस्तीर्णमन्तरिक्षं आपप्राथ स्वतेजसा आपूरितवानसि । अपिच युधा युद्धेन देवेभ्यः स्तोतृभ्योदेवेभ्यएववा वरिवोधनं चकर्थ कृतवानसि ॥ ३ ॥