येषा॒मर्णो॒ न स॒प्रथो॒ नाम᳚ त्वे॒षं शश्व᳚ता॒मेक॒मिद्भु॒जे ।
वयो॒ न पित्र्यं॒ सहः᳚ ॥
वयो॒ न पित्र्यं॒ सहः᳚ ॥
पदपाठः (Word-by-word)
येषा᳚म् । अर्णः᳚ । न । स॒॑प्रथः᳚ । नाम᳚ । त्वे॒षम् । शश्व᳚ताम् । एक᳚म् । इत् । भु॒जे ।
वयः᳚ । न । पित्र्य᳚म् । सहः᳚ ॥
वयः᳚ । न । पित्र्य᳚म् । सहः᳚ ॥
सायणभाष्यम् (Sayana Commentary)
अर्णोन उदकमिव सप्रथः सर्वतः पृथु विस्तीर्णं त्वेषं दीप्तं शश्वतां बहूनां एषां मरुतामीदृशं नाम मरुतइतिनामधेयं एकंइत् एकं एवासहायमेव सत् भुजे स्तोतृणां भोगाय भवति । तत्र दृष्टान्तः-सहः प्रसहनशीलं पित्र्यं पितुरागतं वयोन अन्नमिव यथा तद्विस्रंभेण भोगाय भवति तथेत्यर्थः तानि- त्युत्तरत्रैकवाक्यता ॥ १३ ॥