यथा᳚ रु॒द्रस्य᳚ सू॒नवो᳚ दि॒वो वश॒न्त्यसु᳚रस्य वे॒धसः᳚ ।
युवा᳚न॒स्तथेद᳚सत् ॥
युवा᳚न॒स्तथेद᳚सत् ॥
पदपाठः (Word-by-word)
यथा᳚ । रु॒द्रस्य᳚ । सू॒नवः᳚ । दि॒वः । वश᳚न्ति । असु᳚रस्य । वे॒धसः᳚ ।
युवा᳚नः । तथा᳚ । इत् । अ॒स॒त् ॥
युवा᳚नः । तथा᳚ । इत् । अ॒स॒त् ॥
सायणभाष्यम् (Sayana Commentary)
रुद्रस्य दुःखद्रावयितुरीश्वरस्य सूनवः पुत्राः असुरस्य उदकानां क्षेप्तुर्मेघस्य वेधसोविधातारः यद्वा असवः प्राणाः तान् रातिददातीत्यसुरं वृष्टिजलं तस्य कर्तारः युवानोनित्यतरुणाईदृशामरुतः दिवोन्तरिक्षादागत्य यथा येनप्रकारेण वशन्ति अस्मान्कामयन्ते तथेत् तथैव तेन प्रकारेण असत् इदं स्तोत्रं भवतु । वष्टेः छान्दसः शपोलुगभावः ॥ १७ ॥