याभि॒ः सिन्धु॒मव᳚थ॒ याभि॒स्तूर्व᳚थ॒ याभि᳚र्दश॒स्यथा॒ क्रिवि᳚म् ।
मयो᳚ नो भूतो॒तिभि᳚र्मयोभुवः शि॒वाभि᳚रसचद्विषः ॥
मयो᳚ नो भूतो॒तिभि᳚र्मयोभुवः शि॒वाभि᳚रसचद्विषः ॥
पदपाठः (Word-by-word)
याभिः᳚ । सिन्धु᳚म् । अव᳚थ । याभिः᳚ । तूर्व᳚थ । याभिः᳚ । द॒श॒स्यथ᳚ । क्रिवि᳚म् ।
मयः᳚ । नः॒ । भू॒त॒ । ऊ॒ति॑भिः᳚ । म॒यः॒॑भु॒वः॒ । शि॒वाभिः᳚ । अ॒स॒च॒॑द्वि॒षः॒ ॥
मयः᳚ । नः॒ । भू॒त॒ । ऊ॒ति॑भिः᳚ । म॒यः॒॑भु॒वः॒ । शि॒वाभिः᳚ । अ॒स॒च॒॑द्वि॒षः॒ ॥
सायणभाष्यम् (Sayana Commentary)
हे मरुतः याभिरूतिभिः सिन्धुं समुद्रमवथ रक्षथ याभिश्च तूर्वथ स्तोतृणां शत्रून् हिंस्थ तुर्वी हिंसार्थः याभिश्च क्रिविं कूपं तृष्णजे गोतमाय दश- स्यथ प्रयच्छथ हे मयोभुवः मयसःसुखस्य भावयितारः असचद्विषः अशक्तशत्रवः शत्रुरहिताः शिवाभिःकल्याणीभिः स्तोत्राभिः सर्वाभिरूतिभीर- क्षाभिः नोस्माकं मयः सुखं भूत भावयत उत्पादयत । यद्वा भ् प्राप्तौ प्रापयत ॥ २४ ॥