गाव᳚श्चिद्घा समन्यवः सजा॒त्ये᳚न मरुत॒ः सब᳚न्धवः ।
रि॒ह॒ते क॒कुभो᳚ मि॒थः ॥
रि॒ह॒ते क॒कुभो᳚ मि॒थः ॥
पदपाठः (Word-by-word)
गावः᳚ । चि॒त् । घ॒ । स॒॑म॒न्य॒वः॒ । स॒॑जा॒त्ये᳚न । म॒रु॒तः॒ । स॑ब᳚न्धवः ।
रि॒ह॒ते । क॒कुभः᳚ । मि॒थः ॥
रि॒ह॒ते । क॒कुभः᳚ । मि॒थः ॥
सायणभाष्यम् (Sayana Commentary)
हे समन्यवः समानतेजस्काः समानक्रोधावा हे मरुतः गावश्चित् गावश्च युष्मन्मातृभूताः सांगत्येन समानजातित्वेन सबंधवः समानबंधुकाः सत्यः ककुभोदिशः प्राच्यादिदिग्भागान् प्राप्य मिथः परस्परं रिहते लिहन्ति घेतिपूरकः ॥ २१ ॥