अच्यु᳚ता चिद्वो॒ अज्म॒न्ना नान᳚दति॒ पर्व᳚तासो॒ वन॒स्पति᳚ः ।
भूमि॒र्यामे᳚षु रेजते ॥
भूमि॒र्यामे᳚षु रेजते ॥
पदपाठः (Word-by-word)
अच्यु᳚ता । चि॒त् । वः॒ । अज्म᳚न् । आ । नान᳚दति । पर्व᳚तासः । वन॒स्पतिः᳚ ।
भूमिः᳚ । यामे᳚षु । रे॒ज॒ते॒ ॥
भूमिः᳚ । यामे᳚षु । रे॒ज॒ते॒ ॥
सायणभाष्यम् (Sayana Commentary)
हे मरुतोवोयुष्माकं अज्मन् अज्मनि संग्रामे गमनेसति अच्युताचित् च्यावयितुमशक्याअपि पर्वतासः पर्वतामेघा गिरयोवा वनस्पतिः जातावेक- वचनं वनस्पतयोवृक्षाश्च आनानदति अभितोभृशं शब्दायंते । अपिच यामेषु युष्मदीयेषु गमनेषु निमित्तेषु भूमिः पृथिवीच रेजते कंपते ॥ ५ ॥