दे॒वंदे᳚वं॒ वो॑व᳚से दे॒वंदे᳚वम॒भिष्ट᳚ये ।
दे॒वंदे᳚वं हुवेम॒ वाज᳚सातये गृ॒णन्तो᳚ दे॒व्या धि॒या ॥
दे॒वंदे᳚वं हुवेम॒ वाज᳚सातये गृ॒णन्तो᳚ दे॒व्या धि॒या ॥
पदपाठः (Word-by-word)
दे॒वम्॑दे᳚वम् । वः॒ । अव᳚से । दे॒वम्॑दे᳚वम् । अ॒भिष्ट᳚ये ।
दे॒वम्॑दे᳚वम् । हु॒वे॒म॒ । वाज᳚॑सातये । गृ॒णन्तः᳚ । दे॒व्या । धि॒या ॥
दे॒वम्॑दे᳚वम् । हु॒वे॒म॒ । वाज᳚॑सातये । गृ॒णन्तः᳚ । दे॒व्या । धि॒या ॥
सायणभाष्यम् (Sayana Commentary)
वयं देव्या द्योतमानया धिया स्तुत्या गृणन्तः स्तुवन्तः सन्तोवोयुष्माकंमध्ये देवंदेवं दीप्यमानं देवं अवसे कर्मरक्षणायाह्वयाम । अनुक्रमेणाह अभि- ष्टये अभिलषितप्राप्त्यर्थंच देवंदेवं वयमाह्वयाम ततोवाजसातये अन्नलाभाय हुवेम आह्वयाम ॥ १३ ॥