यद॒द्य सूर्य᳚ उद्य॒ति प्रिय᳚क्षत्रा ऋ॒तं द॒ध ।
यन्नि॒म्रुचि᳚ प्र॒बुधि᳚ विश्ववेदसो॒ यद्वा᳚ म॒ध्यंदि᳚ने दि॒वः ॥
यन्नि॒म्रुचि᳚ प्र॒बुधि᳚ विश्ववेदसो॒ यद्वा᳚ म॒ध्यंदि᳚ने दि॒वः ॥
पदपाठः (Word-by-word)
यत् । अ॒द्य । सूर्यः᳚ । उ॒त्॑य॒ति । प्रिय᳚॑क्षत्राः । ऋ॒तम् । द॒ध ।
यत् । नि॒॑म्रुचि᳚ । प्र॒॑बुधि᳚ । वि॒श्व॒॑वे॒द॒सः॒ । यत् । वा॒ । म॒ध्यन्दि᳚ने । दि॒वः ॥
यत् । नि॒॑म्रुचि᳚ । प्र॒॑बुधि᳚ । वि॒श्व॒॑वे॒द॒सः॒ । यत् । वा॒ । म॒ध्यन्दि᳚ने । दि॒वः ॥
सायणभाष्यम् (Sayana Commentary)
हे प्रियक्षत्राः प्रीणयितृबलाः देवाः सूर्ये सर्वस्य स्वस्वकर्मणि प्रेरके सवितरि उद्यति उद्गच्छतिसति अद्यास्मिन्दिने यद्यदा ऋतं कल्याणभूतं गृहं दध धारयत दधातेर्लिटि मध्यमबहुवचनेरूपम् । यद्यदा हे विश्ववेदसः सर्वधनादेवाः निम्रुचि निम्रुचिर्गत्यर्थः सूर्यस्य निम्रोचने नितरां गमने सायमित्य- र्थः तस्मिन् धारयथ । यद्वा प्रबुधितस्य प्रबोधने प्रातः काले । यद्वा दिवः सूर्यतेजसा दीप्यमानस्याह्नो मध्यन्दिने मध्ये धनं मनवे धत्तेत्युत्तरत्रसंबंध: ॥ १९ ॥ .