अज्रे᳚ चिदस्मै कृणुथा॒ न्यञ्च᳚नं दु॒र्गे चि॒दा सु᳚सर॒णम् ।
ए॒षा चि᳚दस्माद॒शनि᳚ः प॒रो नु सास्रे᳚धन्ती॒ वि न᳚श्यतु ॥
ए॒षा चि᳚दस्माद॒शनि᳚ः प॒रो नु सास्रे᳚धन्ती॒ वि न᳚श्यतु ॥
पदपाठः (Word-by-word)
अज्रे᳚ । चि॒त् । अ॒स्मै॒ । कृ॒णु॒थ॒ । नि॒॑अञ्च᳚नम् । दुः॒॑गे । चि॒त् । आ । सु॒॑स॒र॒णम् ।
ए॒षा । चि॒त् । अ॒स्मा॒त् । अ॒शनिः᳚ । प॒रः । नु । सा । अस्रे᳚धन्ती । वि । न॒श्य॒तु॒ ॥
ए॒षा । चि॒त् । अ॒स्मा॒त् । अ॒शनिः᳚ । प॒रः । नु । सा । अस्रे᳚धन्ती । वि । न॒श्य॒तु॒ ॥
सायणभाष्यम् (Sayana Commentary)
हे देवाः अज्रेचित् ज्रिअभिभवे परैरनभिभवनीयेपि परपुरे न्यच्चनं नितरां गमनमस्मै मनवे कृणुथ यूयं कुरुत । यद्वा ज्रे ऋजुगमने प्रस्थे गमनं कुरुत तथा दुर्गेचित् अगन्तव्येपि स्थले सुसरणं सुगतौ शोभनगमनमासमन्तात्कुरुत एवंसति सैषाशनिः शत्रूणां तदेतदायुधं अस्मात्सर्वतोगन्तुर्मनोर्नुक्षिप्रं परः परस्ताद्धवेत् पश्चात्साशनिः अस्रेधन्ती कांश्चिदप्यहिंसती विनश्यतु विनष्टाभवेत् ॥ १८ ॥