तम᳚मृक्षन्त वा॒जिन᳚मु॒पस्थे॒ अदि᳚ते॒रधि᳚ ।
विप्रा᳚सो॒ अण्व्या᳚ धि॒या ॥
विप्रा᳚सो॒ अण्व्या᳚ धि॒या ॥
पदपाठः (Word-by-word)
तम् । अ॒मृ॒क्ष॒न्त॒ । वा॒जिन᳚म् । उ॒प॑स्थे᳚ । अदि᳚तेः । अधि᳚ ।
विप्रा᳚सः । अण्व्या᳚ । धि॒या ॥
विप्रा᳚सः । अण्व्या᳚ । धि॒या ॥
सायणभाष्यम् (Sayana Commentary)
तं वाजिनमश्वं अश्ववदाशुं व्याप्तमित्यर्थः अदितेः पृथिव्याउपस्थे उत्संगे अधीति सप्तम्यर्थानुवादी । अमृक्षन्त शोधितवन्तः । के विप्रासो मेधाविनोध्वर्य्वादयः । केन साधनेन अण्व्या अंगुल्या धिया प्रज्ञया स्तुत्या वा अमृक्षन्त अथवा अण्व्या सूक्ष्मया धिया अंगुल्येति विशेष्य- विशेषणभावः ॥ १ ॥