7 ऋचः
अयं सोमः पवित्रे पर्यक्षाः परिक्षरति । सुवानः सूयमानः गिरिष्ठागिरिस्थायी ग्रावसु वर्तमानैत्यर्थः । सत्वं मदेषु मादकेषु स्तोतृषु सर्वधाः सर्वदा असि सर्वस्यधाता दाता वा भवसि ॥ १ ॥
हे सोम त्वं पिप्रो विविधं प्रीणयिता विप्रसदृशोवा त्वं च कविर्मेधावी अतस्त्वं अन्धसः अन्नाज्जातं मधु मधुररसं प्रयच्छसीतिरोषः ॥ २ ॥
हे सोम तव पीतिं पानं विश्वेदेवासोदेवाः सजोषसः समानप्रीतयः सन्तः आशत प्राप्नुवन् । । ३ ॥
यः सोमो विश्वानि वार्या वरणीयानि वसूनि धनानि स्तोतुर्हस्तयोरादधे प्रयच्छतीत्यर्थः । मदेषु सर्वधाअभीति सशुष्मीत्युत्तरत्र संबन्धः ॥ ४ ॥
यः सोमः इमे मही महत्यौ रोदसी द्यावापृथिव्यौ सं दोहते उभयोः सारं परिगऋह्ळातीत्यर्थः । मातरेव यथा द्वे मातरौ एकोवत्सोदोहते तद्वत् ॥ ५ ॥
यः सोमः उभेरो दसी द्यावापृथिव्यौ सद्यस्तदानीमेव वाजेभिरन्नैः पर्यर्षति प्ररिचछति परिगत्य सोमाहुत्या द्यावापृथिव्यावन्नवत्यौ करोतीत्यर्थः ॥ ६ ॥
उक्तरीत्या महान् ससोमः शुष्मी बलवान् पुनानः पूयमानः सन् कलशेषु द्रोणकलशेषु आ अचिक्रदत् शब्दं करोति । अत्र सर्वत्र यथोचित- मुत्तरपादोनेयः ॥ ७ ॥
यत्सोमेति सप्तर्चमेकोनविंशं सूक्तं ऋष्याद्याः पुर्ववत् । यत्सोमेत्यनुक्रान्तम् । गतोविनियोगः ।
