पव᳚स्व देव॒माद᳚नो॒ विच᳚र्षणिर॒प्सा इन्द्रा᳚य॒ वरु᳚णाय वा॒यवे᳚ ।
कृ॒धी नो᳚ अ॒द्य वरि᳚वः स्वस्ति॒मदु᳚रुक्षि॒तौ गृ᳚णीहि॒ दैव्यं॒ जन᳚म् ॥
कृ॒धी नो᳚ अ॒द्य वरि᳚वः स्वस्ति॒मदु᳚रुक्षि॒तौ गृ᳚णीहि॒ दैव्यं॒ जन᳚म् ॥
पदपाठः (Word-by-word)
पव᳚स्व । दे॒व॒॑माद᳚नः । वि॑च᳚र्षणिः । अ॒प्साः । इन्द्रा᳚य । वरु᳚णाय । वा॒यवे᳚ ।
कृ॒धि । नः॒ । अ॒द्य । वरि᳚वः । स्व॒स्ति॒॑मत् । उ॒रु॒॑क्षि॒तौ । गृ॒णी॒हि॒ । दैव्य᳚म् । जन᳚म् ॥
कृ॒धि । नः॒ । अ॒द्य । वरि᳚वः । स्व॒स्ति॒॑मत् । उ॒रु॒॑क्षि॒तौ । गृ॒णी॒हि॒ । दैव्य᳚म् । जन᳚म् ॥
सायणभाष्यम् (Sayana Commentary)
हे सोम देवमादनो देवानांमादयिता विचर्षणिः विद्रष्टा अप्साः अपांदातात्वं पवस्व क्षर । कस्मै इन्द्राय वरुणाय वायवे नोस्माकं वरिवोधनं स्वस्तिमत् । स्वस्तीत्यविनाश- नाम । तद्वद्धनं अद्य इदानीं कृधि कुरु । उरुक्षितौ विस्तीर्णायांभूमौ यज्ञसंबन्धिन्यां दैव्यं- जनं देवसंबन्धिनंसंघं जनशब्दःसंघवाची तंगृणीहि गृणातिःशब्दकर्मा शब्दय यथा त्वदी- याभिषवशब्दंश्रुत्वा देवाआगच्छन्ति तथागृणीहीत्यर्थः । अथवा दैव्यंजनमित्यृषिः स्वात्मा- नमाह देवसंबंधिनंजनं मांगृणीहि साधुसंभक्तेति शब्दय ॥ १ ॥