प्र मि॒त्रयो॒र्वरु᳚णयो॒ः स्तोमो᳚ न एतु शू॒ष्य᳚ः ।
नम᳚स्वान्तुविजा॒तयो᳚ः ॥
नम᳚स्वान्तुविजा॒तयो᳚ः ॥
पदपाठः (Word-by-word)
प्र । मि॒त्रयोः᳚ । वरु᳚णयोः । स्तोमः᳚ । नः॒ । ए॒तु॒ । शू॒ष्यः᳚ ।
नम᳚स्वान् । तु॒वि॒॑जा॒तयोः᳚ ॥
नम᳚स्वान् । तु॒वि॒॑जा॒तयोः᳚ ॥
सायणभाष्यम् (Sayana Commentary)
मित्रयोर्वरुणयोः मित्रावरुणयोरित्यर्थः उभयत्रप्रीतियोगापेक्षया द्विवचनत्वम् तुविजातयोः बहुप्रादुर्भावयोर्देवयोः नोस्मदीयः शूष्यः सुखकरोनमस्वानन्नवान् हविर्भिर्युक्तः स्तोमः स्तोत्रं प्रैतु गच्छतु अहोरात्रंवैमित्रावरुणावितिश्रुतिः । अनयोरहोरात्रापेक्षत्वात्तयोः पुनः- पुनरागमनादनयोस्तुविजातत्वम् अथवा बहूनामुपकारायानयोः प्रादुर्भावात्तुविजातत्वम् ॥ १ ॥