वि ये द॒धुः श॒रदं॒ मास॒मादह᳚र्य॒ज्ञम॒क्तुं चादृच᳚म् ।
अ॒ना॒प्यं वरु᳚णो मि॒त्रो अ᳚र्य॒मा क्ष॒त्रं राजा᳚न आशत ॥
अ॒ना॒प्यं वरु᳚णो मि॒त्रो अ᳚र्य॒मा क्ष॒त्रं राजा᳚न आशत ॥
पदपाठः (Word-by-word)
वि । ये । द॒धुः । श॒रद᳚म् । मास᳚म् । आत् । अहः᳚ । य॒ज्ञम् । अ॒क्तुम् । च॒ । आत् । ऋच᳚म् ।
अ॒ना॒प्यम् । वरु᳚णः । मि॒त्रः । अ॒र्य॒मा । क्ष॒त्रम् । राजा᳚नः । आ॒श॒त॒ ॥
अ॒ना॒प्यम् । वरु᳚णः । मि॒त्रः । अ॒र्य॒मा । क्ष॒त्रम् । राजा᳚नः । आ॒श॒त॒ ॥
सायणभाष्यम् (Sayana Commentary)
ये मित्रादयः शरदं संवत्सरं विदधुः अकुर्वन् आत् अनन्तरमेव मासं अनन्तरं अहः अनन्तरमहःसाध्यं यज्ञं आत् अनन्तरमक्तुं रात्रिञ्च ऋचं मन्त्रांश्च यद्वा सर्वत्र आदित्ययमपीत्यर्थे वर्तते तथा सति क्रमः अविवक्षितः ते वरुणोमित्रोर्यमा च त्रयः अनाप्यमन्यैरप्राप्तं क्षत्रं बलं राजानः राजमानाः आशत व्याप्तवन्तः ॥ ११ ॥