क॒कु॒हं चि᳚त्त्वा कवे॒ मन्द᳚न्तु धृष्ण॒विन्द᳚वः ।
आ त्वा᳚ प॒णिं यदीम᳚हे ॥
आ त्वा᳚ प॒णिं यदीम᳚हे ॥
पदपाठः (Word-by-word)
क॒कु॒हम् । चि॒त् । त्वा॒ । क॒वे॒ । मन्द᳚न्तु । धृ॒ष्णो॒ इति᳚ । इन्द᳚वः ।
आ । त्वा॒ । प॒णिम् । यत् । ईम᳚हे ॥
आ । त्वा॒ । प॒णिम् । यत् । ईम᳚हे ॥
सायणभाष्यम् (Sayana Commentary)
हे कवे क्रान्तकर्मन् धृष्णो धर्षकेन्द्र यद्यदा पणिं पणमानं त्वा त्वां आ आभिमुख्येनेमहेभीष्टं याचामहे । तदा ककुहं उच्छ्रितं त्वा त्वामिन्द्रवश्चित् सोमाअपि मन्दन्तु मादयन्तु ॥ १४ ॥