या वृ᳚त्र॒हा प᳚रा॒वति॒ सना॒ नवा᳚ च चुच्यु॒वे ।
ता सं॒सत्सु॒ प्र वो᳚चत ॥
ता सं॒सत्सु॒ प्र वो᳚चत ॥
पदपाठः (Word-by-word)
या । वृ॒त्र॒॑हा । प॒रा॒॑वति᳚ । सना᳚ । नवा᳚ । च॒ । चु॒च्यु॒वे ।
ता । सं॒सत्॑सु᳚ । प्र । वो॒च॒त॒ ॥
ता । सं॒सत्॑सु᳚ । प्र । वो॒च॒त॒ ॥
सायणभाष्यम् (Sayana Commentary)
वृत्रहेन्द्रः परावति दूरे या यानि सना सनातनानि नवा नवानि नूतनानि च धनानि चुच्युवे प्रेरितवान् तानि धनानि संसत्सु यज्ञेषु सभासुवा प्रवोचत प्रब्रूते विद्वज्जनः ॥ २५ ॥