यस्य᳚ ते वि॒श्वमा᳚नुषो॒ भूरे᳚र्द॒त्तस्य॒ वेद᳚ति ।
वसु᳚ स्पा॒र्हं तदा भ᳚र ॥
वसु᳚ स्पा॒र्हं तदा भ᳚र ॥
पदपाठः (Word-by-word)
यस्य᳚ । ते॒ । वि॒श्व॑मा᳚नुषः । भूरेः᳚ । द॒त्तस्य᳚ । वेद᳚ति ।
वसु᳚ । स्पा॒र्हम् । तत् । आ । भ॒र॒ ॥
वसु᳚ । स्पा॒र्हम् । तत् । आ । भ॒र॒ ॥
सायणभाष्यम् (Sayana Commentary)
हे इन्द्र ते त्वया विभक्तिव्यत्ययः दत्तस्य दत्तं भूरेर्बहु यस्य यद्धनं कर्मणिषष्ठी विश्वमानुषः सर्वोमनुष्योवेदति जानाति तत्स्पार्हं स्पृहणीयं वस्वाभर ॥ ४२ ॥
वेदार्थस्यप्रकाशेन तमोहार्दंनिवारयन् । पुमर्थांश्चतुरोदेयाद्विद्यातीर्थमहेश्वरः ॥ १ ॥
इतिश्रीमद्राजाधिराजपरमेश्वरवैदिकमार्गप्रवर्तकश्रीवीरबुक्कभूपालसाम्राज्यधुरंधरेण सायणाचार्येण विरचिते माधवीये वेदार्थप्रकाशे ऋक्संहिता- भाष्ये षष्ठाष्टके तृतीयोध्यायः ॥ ३ ॥