अ॒भ्य᳚र्ष बृ॒हद्यशो᳚ म॒घव᳚द्भ्यो ध्रु॒वं र॒यिम् ।
इषं᳚ स्तो॒तृभ्य॒ आ भ᳚र ॥
इषं᳚ स्तो॒तृभ्य॒ आ भ᳚र ॥
पदपाठः (Word-by-word)
अ॒भि । अ॒र्ष॒ । बृ॒हत् । यशः᳚ । म॒घव᳚त्॑भ्यः । ध्रु॒वम् । र॒यिम् ।
इष᳚म् । स्तो॒तृ॑भ्यः । आ । भ॒र॒ ॥
इष᳚म् । स्तो॒तृ॑भ्यः । आ । भ॒र॒ ॥
सायणभाष्यम् (Sayana Commentary)
हे सोम बृहद्यशो महतीं कीर्तिं अभ्यर्ष अभिगमय । मघवद्भ्योस्मभ्यं ध्रुवं रयिं धनंचाभ्यर्ष । किंच इषमन्नं स्तोतृभ्योस्मभ्यमाभराहर ॥ ४ ॥