स विश्वा᳚ दा॒शुषे॒ वसु॒ सोमो᳚ दि॒व्यानि॒ पार्थि᳚वा ।
पव᳚ता॒मान्तरि᳚क्ष्या ॥
पव᳚ता॒मान्तरि᳚क्ष्या ॥
पदपाठः (Word-by-word)
सः । विश्वा᳚ । दा॒शुषे᳚ । वसु᳚ । सोमः᳚ । दि॒व्यानि᳚ । पार्थि᳚वा ।
पव᳚ताम् । आ । अ॒न्तरि᳚क्ष्या ॥
पव᳚ताम् । आ । अ॒न्तरि᳚क्ष्या ॥
सायणभाष्यम् (Sayana Commentary)
सोभिषूयमाणः सोमोदाशुषे हविर्दात्रे विश्वा सर्वाणि वसु वसूनि धनानि आपवतां प्रयच्छतु । विश्वानीत्युक्तस्य विवरणं शिष्टम् । दिव्यानि दिविभवानि पार्थिवा पृथिवीसंबन्धीनि अंतरिक्ष्या अन्तरिक्षेभवानिच पवतां ॥ ५ ॥