समी॒ सखा᳚यो अस्वर॒न्वने॒ क्रीळ᳚न्त॒मत्य᳚विम् ।
इन्दुं᳚ ना॒वा अ᳚नूषत ॥
इन्दुं᳚ ना॒वा अ᳚नूषत ॥
पदपाठः (Word-by-word)
सम् । ई॒मिति᳚ । सखा᳚यः । अ॒स्व॒र॒न् । वने᳚ । क्रीळ᳚न्तम् । अति᳚॑अविम् ।
इन्दु᳚म् । ना॒वाः । अ॒नू॒ष॒त॒ ॥
इन्दु᳚म् । ना॒वाः । अ॒नू॒ष॒त॒ ॥
सायणभाष्यम् (Sayana Commentary)
अत्यविमतिक्रान्तं दशापवित्रं वने उदके क्रीळन्तं संक्रीडमानमीमेनमिन्दुं सोमं सखायः प्रियस्तोतारः समस्वरन् संस्तुवन्ति । नावाः वाचोप्यनूषतास्तुवन् । नौ अक्षरमिति वाङ् नामसु पाठात् ॥ ५ ॥