दि॒वः पी॒यूष᳚मुत्त॒मं सोम॒मिन्द्रा᳚य व॒ज्रिणे᳚ ।
सु॒नोता॒ मधु᳚मत्तमम् ॥
सु॒नोता॒ मधु᳚मत्तमम् ॥
पदपाठः (Word-by-word)
दि॒वः । पी॒यूष᳚म् । उ॒त्॑त॒मम् । सोम᳚म् । इन्द्रा᳚य । व॒ज्रिणे᳚ ।
सु॒नोत᳚ । मधु᳚मत्॑तमम् ॥
सु॒नोत᳚ । मधु᳚मत्॑तमम् ॥
सायणभाष्यम् (Sayana Commentary)
हे अध्वर्यवो यूयं मधुमत्तममतिशयेन मधुमन्तं दिवोद्युलोकस्य पीयूषममृतमुत्तमं श्रेष्ठं सोमं वज्रिणे वज्रवते इन्द्राय सुनोताभिषुणुत ॥ २ ॥