ए॒ना वो᳚ अ॒ग्निं नम᳚सो॒र्जो नपा᳚त॒मा हु᳚वे ।
प्रि॒यं चेति᳚ष्ठमर॒तिं स्व᳚ध्व॒रं विश्व᳚स्य दू॒तम॒मृत᳚म् ॥
प्रि॒यं चेति᳚ष्ठमर॒तिं स्व᳚ध्व॒रं विश्व᳚स्य दू॒तम॒मृत᳚म् ॥
पदपाठः (Word-by-word)
ए॒ना । वः॒ । अ॒ग्निम् । नम᳚सा । ऊ॒र्जः । नपा᳚तम् । आ । हु॒वे॒ ।
प्रि॒यम् । चेति᳚ष्ठम् । अ॒र॒तिम् । सु॒॑अ॒ध्व॒रम् । विश्व᳚स्य । दू॒तम् । अ॒मृत᳚म् ॥
प्रि॒यम् । चेति᳚ष्ठम् । अ॒र॒तिम् । सु॒॑अ॒ध्व॒रम् । विश्व᳚स्य । दू॒तम् । अ॒मृत᳚म् ॥
सायणभाष्यम् (Sayana Commentary)
ऊर्जो बलस्य नपातं पुत्रं सनुः नपादित्यपत्यनामसु पाठात् प्रियं प्रियस्माकं चेतिष्ठं अतिशयेन ज्ञातारं प्रज्ञापकंवा अरतिं गन्तारं स्वामिनं वा स्वध्वरं सुयज्ञं विश्वस्य सर्वस्य यजमानस्य दूतममृतं नित्यमग्निमेना एनेन नमसा स्तोत्रेण यद्यप्यत्रान्वादेशोनास्ति तथापि छान्द- सत्वादिदंशब्दस्यैनादेशः । यद्वा एना एनमित्यग्नेर्विशेषणं समानार्षत्वात् पूर्वेषु सूक्तेष्वादिष्टत्वाद्वसिष्ठेनान्वादिश्यते । वोयुष्मदर्थमाहुवे आह्वयामि ॥ १ ॥