त्वम᳚ग्ने गृ॒हप᳚ति॒स्त्वं होता᳚ नो अध्व॒रे ।
त्वं पोता᳚ विश्ववार॒ प्रचे᳚ता॒ यक्षि॒ वेषि᳚ च॒ वार्य᳚म् ॥
त्वं पोता᳚ विश्ववार॒ प्रचे᳚ता॒ यक्षि॒ वेषि᳚ च॒ वार्य᳚म् ॥
पदपाठः (Word-by-word)
त्वम् । अ॒ग्ने॒ । गृ॒ह॑प᳚तिः । त्वम् । होता᳚ । नः॒ । अ॒ध्व॒रे ।
त्वम् । पोता᳚ । वि॒श्व॒॑वा॒र॒ । प्र॑चे᳚ताः । यक्षि᳚ । वेषि᳚ । च॒ । वार्य᳚म् ॥
त्वम् । पोता᳚ । वि॒श्व॒॑वा॒र॒ । प्र॑चे᳚ताः । यक्षि᳚ । वेषि᳚ । च॒ । वार्य᳚म् ॥
सायणभाष्यम् (Sayana Commentary)
हे विश्ववार विश्वैर्वरणीयाग्ने त्वं नोस्माकमध्वरे यागे गृहपतिरसि यजमानोसि । त्वं होता देवानामाह्वाता त्वं त्वमेव पोतासि । अतः प्रचेताः प्रकृष्टमतिस्त्वं वार्यं वरणीयं हविः यक्षि यज वेषि च कामयस्व भक्षयवा ॥ ५ ॥