स यो᳚जते अरु॒षा वि॒श्वभो᳚जसा॒ स दु᳚द्रव॒त्स्वा᳚हुतः ।
सु॒ब्रह्मा᳚ य॒ज्ञः सु॒शमी॒ वसू᳚नां दे॒वं राधो॒ जना᳚नाम् ॥
सु॒ब्रह्मा᳚ य॒ज्ञः सु॒शमी॒ वसू᳚नां दे॒वं राधो॒ जना᳚नाम् ॥
पदपाठः (Word-by-word)
सः । यो॒ज॒ते॒ । अ॒रु॒षा । वि॒श्व॑भो᳚जसा । सः । दु॒द्र॒व॒त् । सु॑आ᳚हुतः ।
सु॒॑ब्रह्मा᳚ । य॒ज्ञः । सु॒॑शमी᳚ । वसू᳚नाम् । दे॒वम् । राधः᳚ । जना᳚नाम् ॥
सु॒॑ब्रह्मा᳚ । य॒ज्ञः । सु॒॑शमी᳚ । वसू᳚नाम् । दे॒वम् । राधः᳚ । जना᳚नाम् ॥
सायणभाष्यम् (Sayana Commentary)
सोग्निररुषा आरोचमानौ विश्वभोजसा विश्वस्य पालयितारौ अश्वौ योजते रथे युनक्तु । यद्वा सोग्निः अरुषा आरोचमानेन तेजसा विश्व- भोजसा विश्वरक्षकेण योजते अयुज्यत । किं च सोग्निः दुद्रवत् आनेतुं देवान् प्रति भृशं द्रवतु द्रवतिवा । स्वाहुतः सुष्ठ्वाहुतः सुब्रह्मा सुस्तुतिः शोभनान्नोवा यष्टव्यः सुशमी सुकर्माच भवति । तमिमं देवं द्योतमानं वसूनां वासकानां जनानां वसिष्ठानां राधो हविरभि- गच्छत्वितिशेषः । यद्वा एवंगुणविशिष्टोग्निः वसूनां धनानां मध्ये देवमत्यन्तप्रकाशमानं राधो धनं जनानां यजमानानां धनवत्प्रियतम- इत्यर्थः ॥ २ ॥