दे॒वो वो᳚ द्रविणो॒दाः पू॒र्णां वि᳚वष्ट्या॒सिच᳚म् ।
उद्वा᳚ सि॒ञ्चध्व॒मुप᳚ वा पृणध्व॒मादिद्वो᳚ दे॒व ओ᳚हते ॥
उद्वा᳚ सि॒ञ्चध्व॒मुप᳚ वा पृणध्व॒मादिद्वो᳚ दे॒व ओ᳚हते ॥
पदपाठः (Word-by-word)
दे॒वः । वः॒ । द्र॒वि॒णः॒॑दाः । पू॒र्णाम् । वि॒व॒ष्टि॒ । आ॒॑सिच᳚म् ।
उत् । वा॒ । सि॒ञ्चध्व᳚म् । उप᳚ । वा॒ । पृ॒ण॒ध्व॒म् । आत् । इत् । वः॒ । दे॒वः । ओ॒ह॒ते॒ ॥
उत् । वा॒ । सि॒ञ्चध्व᳚म् । उप᳚ । वा॒ । पृ॒ण॒ध्व॒म् । आत् । इत् । वः॒ । दे॒वः । ओ॒ह॒ते॒ ॥
सायणभाष्यम् (Sayana Commentary)
द्रविणोदाः धनानां दाता देवोग्निः वो युष्मदीयां पूर्णां हविषा आसिचं आसिक्तं स्रुचं विवष्टि कामयते अतउत्सिंचध्वं वा सोमेन पात्र- मुपपृणध्वं वा सोमं वाशब्दौ समुच्चयार्थौ ध्रुवग्रहेण होतृचमसं पूरयत च अग्नये सोमं यच्छतचेत्यर्थः आदिदनंतरमेव देवोग्निर्वोयुष्मान् ओहते वहति ॥ ११ ॥