स॒म्राळ॒न्यः स्व॒राळ॒न्य उ᳚च्यते वां म॒हान्ता॒विन्द्रा॒वरु᳚णा म॒हाव᳚सू ।
विश्वे᳚ दे॒वासः᳚ पर॒मे व्यो᳚मनि॒ सं वा॒मोजो᳚ वृषणा॒ सं बलं᳚ दधुः ॥
विश्वे᳚ दे॒वासः᳚ पर॒मे व्यो᳚मनि॒ सं वा॒मोजो᳚ वृषणा॒ सं बलं᳚ दधुः ॥
पदपाठः (Word-by-word)
स॒म्॑राट् । अ॒न्यः । स्व॒॑राट् । अ॒न्यः । उ॒च्य॒ते॒ । वा॒म् । म॒हान्तौ᳚ । इन्द्रा॒वरु᳚णा । म॒हाव᳚सू॒ इति᳚ म॒हा॑व᳚सू ।
विश्वे᳚ । दे॒वासः᳚ । प॒र॒मे । वि॑ओ᳚मनि । सम् । वा॒म् । ओजः᳚ । वृ॒ष॒णा॒ । सम् । बल᳚म् । द॒धुः॒ ॥
विश्वे᳚ । दे॒वासः᳚ । प॒र॒मे । वि॑ओ᳚मनि । सम् । वा॒म् । ओजः᳚ । वृ॒ष॒णा॒ । सम् । बल᳚म् । द॒धुः॒ ॥
सायणभाष्यम् (Sayana Commentary)
द्वितीयः पादःपरोक्षकृतः शिष्टाःप्रत्यक्षकृताः हे इन्द्रावरुणौ वां युवयोर्मध्ये अन्यएकोवरुणः सम्राट् सम्यग्रजमानइत्युच्यते । तासम्राजा- घृतासुतीत्यादिषुकीर्त्यते । अन्यइन्द्रः स्वराट् स्वयमेव अन्यनिरपेक्षयैव राजमानइत्युच्यते । स्वराळीन्द्रोदमइत्यादिषुकीर्त्यते । तथाविध- विन्द्रावरुणा इन्द्रावरुणौ महान्तौ गुणैरधिकौ महावसु महाधनौ च भवतः । हे वृषणा कामानां वर्षिताराविन्द्रावरुणौ वां युवां परमे व्योमनि उत्कृष्टे आकाशे विशेदेवासः सर्वेदेवाः ओजः सन्दधुः समयोजयन् शरीरदार्ढ्याय तद्धेतुभूतं तदोजइत्युच्यते स्मर्यतेच ओजः साष्टमीदशेति तथा बलं वृत्रवधादेः कार्यस्य हेतुभूतं सामर्थ्यंच युवाभ्यां सन्दधुः समयोजयन् ॥ २ ॥