अ॒र्वाङ्न᳚रा॒ दैव्ये॒नाव॒सा ग᳚तं शृणु॒तं हवं॒ यदि᳚ मे॒ जुजो᳚षथः ।
यु॒वोर्हि स॒ख्यमु॒त वा॒ यदाप्यं᳚ मार्डी॒कमि᳚न्द्रावरुणा॒ नि य᳚च्छतम् ॥
यु॒वोर्हि स॒ख्यमु॒त वा॒ यदाप्यं᳚ मार्डी॒कमि᳚न्द्रावरुणा॒ नि य᳚च्छतम् ॥
पदपाठः (Word-by-word)
अ॒र्वाक् । न॒रा॒ । दैव्ये᳚न । अव᳚सा । आ । ग॒त॒म् । शृ॒णु॒तम् । हव᳚म् । यदि᳚ । मे॒ । जुजो᳚षथः ।
यु॒वोः । हि । स॒ख्यम् । उ॒त । वा॒ । यत् । आप्य᳚म् । मा॒र्डी॒कम् । इ॒न्द्रा॒व॒रु॒णा॒ । नि । य॒च्छ॒त॒म् ॥
यु॒वोः । हि । स॒ख्यम् । उ॒त । वा॒ । यत् । आप्य᳚म् । मा॒र्डी॒कम् । इ॒न्द्रा॒व॒रु॒णा॒ । नि । य॒च्छ॒त॒म् ॥
सायणभाष्यम् (Sayana Commentary)
हे नरा नेताराविन्द्रावरुणौ दैव्येन देवसंबन्धिना अवसा रक्षणेन श अर्वागस्मदभिमुखं आगतमागच्छतम् आगत्यच मदीयं स्तोत्रं हवं श्रृणुतम् । यदि मे मम जुजोषथः प्रीयेथे मयिप्रीतिरस्तिचेत् युवाभ्यां आगन्तव्यं मदीयं स्तोत्रं श्रोतव्यञ्च भवतीत्यर्थः । युवोर्हि युवयोः खलु यत्सख्यं सखित्वं उतवा अपिच यदाप्यं आपित्वं बान्धवं बान्धवं मार्डीकं मृडीकस्य सुखस्य साधनं तदुभयं हे इन्द्रावरुणौ नियच्छतं अस्मभ्यं प्रयच्छतं ॥ ८ ॥