यु॒वामिद्यु॒त्सु पृत᳚नासु॒ वह्न᳚यो यु॒वां क्षेम᳚स्य प्रस॒वे मि॒तज्ञ᳚वः ।
ई॒शा॒ना वस्व᳚ उ॒भय᳚स्य का॒रव॒ इन्द्रा᳚वरुणा सु॒हवा᳚ हवामहे ॥
ई॒शा॒ना वस्व᳚ उ॒भय᳚स्य का॒रव॒ इन्द्रा᳚वरुणा सु॒हवा᳚ हवामहे ॥
पदपाठः (Word-by-word)
यु॒वाम् । इत् । यु॒त्॑सु । पृत᳚नासु । वह्न᳚यः । यु॒वाम् । क्षेम᳚स्य । प्र॒॑स॒वे । मि॒त॑ज्ञ᳚वः ।
ई॒शा॒ना । वस्वः᳚ । उ॒भय᳚स्य । का॒रवः᳚ । इन्द्रा᳚वरुणा । सु॒॑हवा᳚ । ह॒वा॒म॒हे॒ ॥
ई॒शा॒ना । वस्वः᳚ । उ॒भय᳚स्य । का॒रवः᳚ । इन्द्रा᳚वरुणा । सु॒॑हवा᳚ । ह॒वा॒म॒हे॒ ॥
सायणभाष्यम् (Sayana Commentary)
हे इन्द्रावरुणौ वह्नयोहविषां स्तोत्रणां वा वोढारः ऋत्विजः युत्सु युद्धेषु पृतनासु शत्रुसेनासु रक्षणार्थं युवामित् युवामेव हवन्ते आह्वयन्ति मितज्ञवः संकुचितजानुकाः अंगिरसोपि क्षेमस्य रक्षणस्य प्रसवे उत्पादने निमित्तभूते सति युवामेव हवन्ते अतः कारणात् हे इन्द्रावरुणौ कारवः स्तोतारोवयमपि उभयस्य दिव्यस्य पार्थिवस्य च वस्वोवसुनोधनस्य ईशाना ईश्वरौ सुहवा सुखेन ह्वातव्यौ युवामेव हवामहे आह्वयामहे ॥ ४ ॥