इन्द्रं᳚ वर्धन्तु नो॒ गिर॒ इन्द्रं᳚ सु॒तास॒ इन्द᳚वः ।
इन्द्रे᳚ ह॒विष्म᳚ती॒र्विशो᳚ अराणिषुः ॥
इन्द्रे᳚ ह॒विष्म᳚ती॒र्विशो᳚ अराणिषुः ॥
पदपाठः (Word-by-word)
इन्द्र᳚म् । व॒र्ध॒न्तु॒ । नः॒ । गिरः᳚ । इन्द्र᳚म् । सु॒तासः᳚ । इन्द᳚वः ।
इन्द्रे᳚ । ह॒विष्म᳚तीः । विशः᳚ । अ॒रा॒णि॒षुः॒ ॥
इन्द्रे᳚ । ह॒विष्म᳚तीः । विशः᳚ । अ॒रा॒णि॒षुः॒ ॥
सायणभाष्यम् (Sayana Commentary)
नोस्माकं गिरः स्तुतिरूपावाचः इन्द्रं वर्धन्तु वर्धयन्तु सुतासोभिषुताः इन्दवः सोमाश्र्चास्मदीयास्तमिन्द्रं वर्धयन्तु हविष्मतीर्हविष्मत्यः हविर्भिश्र्वरुपुरोडाशादिभिर्युक्ताः विशः प्रजा तस्मिन्निन्द्रे अराणिषुररंसिषुः ॥ १६ ॥