वर्ध᳚स्वा॒ सु पु᳚रुष्टुत॒ ऋषि᳚ष्टुताभिरू॒तिभि᳚ः ।
धु॒क्षस्व᳚ पि॒प्युषी॒मिष॒मवा᳚ च नः ॥
धु॒क्षस्व᳚ पि॒प्युषी॒मिष॒मवा᳚ च नः ॥
पदपाठः (Word-by-word)
वर्ध᳚स्व । सु । पु॒रु॒॑स्तु॒त॒ । ऋषि᳚॑स्तुताभिः । ऊ॒ति॑भिः᳚ ।
धु॒क्षस्व᳚ । पि॒प्युषी᳚म् । इष᳚म् । अव᳚ । च॒ । नः॒ ॥
धु॒क्षस्व᳚ । पि॒प्युषी᳚म् । इष᳚म् । अव᳚ । च॒ । नः॒ ॥
सायणभाष्यम् (Sayana Commentary)
हे पुरुष्टुत बहुभि: स्तुतेन्द्र ऋषिस्तुताभि: ऋषिभिर्मन्त्रदर्शिभि: पुरा स्तुताभि: ऊतिभीरक्षाभि: सु सुष्टु वर्धस्वास्मान्वर्धय । यद्वा ऋषिभिरुत्पा- दिताभि: ऊतिभि: स्तुतिभि: त्वं वर्धस्व वृद्धिं प्राप्नुहि । नोस्मभ्यंच पिप्युषीं प्रवृद्धां इषं इष्यमाणमन्नं अवधुक्षस्व अवाङ्मुखमस्मदभिमुखं धुक्षस्व क्षारय देहीत्यर्थ: ॥ २५ ॥