यदि᳚ मे स॒ख्यमा॒वर᳚ इ॒मस्य᳚ पा॒ह्यन्ध᳚सः ।
येन॒ विश्वा॒ अति॒ द्विषो॒ अता᳚रिम ॥
येन॒ विश्वा॒ अति॒ द्विषो॒ अता᳚रिम ॥
पदपाठः (Word-by-word)
यदि᳚ । मे॒ । स॒ख्यम् । आ॒॑वरः᳚ । इ॒मस्य᳚ । पा॒हि॒ । अन्ध᳚सः ।
येन᳚ । विश्वाः᳚ । अति᳚ । द्विषः᳚ । अता᳚रिम ॥
येन᳚ । विश्वाः᳚ । अति᳚ । द्विषः᳚ । अता᳚रिम ॥
सायणभाष्यम् (Sayana Commentary)
हे इन्द्र मे मम सख्यं सखित्वं यद्यावरः यदि आभिमुख्येन वृणुयाः तर्हि इम्स्य अस्य हलिलोपाभावश्छान्दसः पुरोवर्तिनः अंधसः अन्नस्य सोमलक्षणस्य स्वांशं पाहि पिब । अंधसइति कर्मणि वा षष्ठी पिबतेश्छान्दसोविकरणस्य शपोलुक् । येन त्वत्पीतेन सोमेन हेतना वयं विश्वाः सर्वाद्विषोद्वेष्ट्रीः शत्रुसेनाः अत्यतारिम अतितरेम अतिक्रामेम ॥ २१ ॥