त्रिक᳚द्रुकेषु॒ चेत᳚नं दे॒वासो᳚ य॒ज्ञम᳚त्नत ।
तमिद्व᳚र्धन्तु नो॒ गिरः᳚ स॒दावृ᳚धम् ॥
तमिद्व᳚र्धन्तु नो॒ गिरः᳚ स॒दावृ᳚धम् ॥
पदपाठः (Word-by-word)
त्रि॑क᳚द्रुकेषु । चेत᳚नम् । दे॒वासः᳚ । य॒ज्ञम् । अ॒त्न॒त॒ ।
तम् । इत् । व॒र्ध॒न्तु॒ । नः॒ । गिरः᳚ । स॒दा॑वृ᳚धम् ॥
तम् । इत् । व॒र्ध॒न्तु॒ । नः॒ । गिरः᳚ । स॒दा॑वृ᳚धम् ॥
सायणभाष्यम् (Sayana Commentary)
त्रिकद्रुकेषु त्रिकद्रुकानाम ज्योतिर्गौरायुरिति त्रीण्याभिप्लविकान्यहानि तेषु देवासो देवाः चेतनं चेतयितारमिन्द्रं यज्ञं यष्टव्यं अन्तत अतन्वताकृषत तनोतेर्लङि छान्दसोविकरणस्य लुक् तनिपत्योश्छन्दसीत्युपधालोपः । तमित् तमेवेन्द्रं नोस्माकं गिरः स्तुतयश्र्व वर्धन्तु वर्धयन्तु । कीदृशं सदावृधं सर्वदस्तोतृणां वर्धयितारम् ॥ १८ ॥