क॒दा त᳚ इन्द्र गिर्वणः स्तो॒ता भ᳚वाति॒ शंत᳚मः ।
क॒दा नो॒ गव्ये॒ अश्व्ये॒ वसौ᳚ दधः ॥
क॒दा नो॒ गव्ये॒ अश्व्ये॒ वसौ᳚ दधः ॥
पदपाठः (Word-by-word)
क॒दा । ते॒ । इ॒न्द्र॒ । गि॒र्व॒णः॒ । स्तो॒ता । भ॒वा॒ति॒ । शम्॑त᳚मः ।
क॒दा । नः॒ । गव्ये᳚ । अश्व्ये᳚ । वसौ᳚ । द॒धः॒ ॥
क॒दा । नः॒ । गव्ये᳚ । अश्व्ये᳚ । वसौ᳚ । द॒धः॒ ॥
सायणभाष्यम् (Sayana Commentary)
हे गिर्वणोगिरां स्तुतीनां संभक्तरिन्द्र ते तव स्तोता शंतमः सुखतमोतिशये नसुखवान् कदा कस्मिन्काले भवाति भवेत् कदा कस्मिंश्च काले नोस्मान् गव्ये गोसमूहे अश्व्ये अश्वसंघे वसौ निवासभूतेन्यस्मिन्नपि धने दधः धारये: ॥ २२ ॥