अ॒भि स्व᳚रन्तु॒ ये तव᳚ रु॒द्रासः᳚ सक्षत॒ श्रिय᳚म् ।
उ॒तो म॒रुत्व᳚ती॒र्विशो᳚ अ॒भि प्रयः᳚ ॥
उ॒तो म॒रुत्व᳚ती॒र्विशो᳚ अ॒भि प्रयः᳚ ॥
पदपाठः (Word-by-word)
अ॒भि । स्व॒र॒न्तु॒ । ये । तव᳚ । रु॒द्रासः᳚ । स॒क्ष॒त॒ । श्रिय᳚म् ।
उ॒तो इति᳚ । म॒रुत्व᳚तीः । विशः᳚ । अ॒भि । प्रयः᳚ ॥
उ॒तो इति᳚ । म॒रुत्व᳚तीः । विशः᳚ । अ॒भि । प्रयः᳚ ॥
सायणभाष्यम् (Sayana Commentary)
अभिस्वरंतु अभिगच्छंतु ते । हे इन्द्र तवानुचरा: रुद्रासोरुद्रपुत्रा येमरुत: संति । अपिच ते श्रियं श्रयणीयमिमं यज्ञं सक्षत सचंतु प्राप्नुवन्तु । उतो अपिच मरुत्वतीर्मरुद्धिर्युद्क्ता: विश: अन्यापि दैवी: प्रजा: अन्ननामैतत् अस्मदीयं हविर्लक्षणमन्नमभिगच्छन्तु ॥ २८ ॥