वृषा॒यमि᳚न्द्र ते॒ रथ᳚ उ॒तो ते॒ वृष᳚णा॒ हरी᳚ ।
वृषा॒ त्वं श᳚तक्रतो॒ वृषा॒ हवः᳚ ॥
वृषा॒ त्वं श᳚तक्रतो॒ वृषा॒ हवः᳚ ॥
पदपाठः (Word-by-word)
वृषा᳚ । अ॒यम् । इ॒न्द्र॒ । ते॒ । रथः᳚ । उ॒तो इति᳚ । ते॒ । वृष᳚णा । हरी॒ इति᳚ ।
वृषा᳚ । त्वम् । श॒त॒क्र॒तो॒ इति᳚ शत॑क्रतो । वृषा᳚ । हवः᳚ ॥
वृषा᳚ । त्वम् । श॒त॒क्र॒तो॒ इति᳚ शत॑क्रतो । वृषा᳚ । हवः᳚ ॥
सायणभाष्यम् (Sayana Commentary)
हे इन्द्र ते त्वदीय: अयं रथ: वृषा कामानां वर्षिता उतो अपिच तव हरी अश्वौ वृपणा वृषणौ वर्षितारौ हे शतक्रतो बहुकर्मन् बहुप्रज्ञेन्द्र त्वं च वृषा वर्षिता कामानां तथा हवस्त्वद्विषयमाह्वानं च वृषा वर्षिता त्वद्विषयमाह्वानमपि कामान्वर्षति किमु वक्तव्यं त्वदीयारथादयोवर्षन्तीति भाव: ॥ ३१ ॥