नू॒नं तदि᳚न्द्र दद्धि नो॒ यत्त्वा᳚ सु॒न्वन्त॒ ईम᳚हे ।
र॒यिं न᳚श्चि॒त्रमा भ᳚रा स्व॒र्विद᳚म् ॥
र॒यिं न᳚श्चि॒त्रमा भ᳚रा स्व॒र्विद᳚म् ॥
पदपाठः (Word-by-word)
नू॒नम् । तत् । इ॒न्द्र॒ । द॒द्धि॒ । नः॒ । यत् । त्वा॒ । सु॒न्वन्तः᳚ । ईम᳚हे ।
र॒यिम् । नः॒ । चि॒त्रम् । आ । भ॒र॒ । स्वः॒॑विद᳚म् ॥
र॒यिम् । नः॒ । चि॒त्रम् । आ । भ॒र॒ । स्वः॒॑विद᳚म् ॥
सायणभाष्यम् (Sayana Commentary)
हे इन्द्र नूनमवश्यं तद्धनं नोस्मभ्यं दद्धि ददस्व दददाने व्यत्ययेन परस्मैपदम् छांदसशपोलुक् । यद्धनं त्वा त्वां सुन्वंतः सोमम- भिषुण्वंतोवयं ईमहे । अपिच चित्रं चायनीयं स्वर्विदं सर्वस्य लंभकं यद्वा स्वर्गस्य वेदितारं आस्तिकं रयिं पुत्रं नोस्मभ्यमाभराहर ॥ ५ ॥