सं दे॒वैः शो᳚भते॒ वृषा᳚ क॒विर्योना॒वधि᳚ प्रि॒यः ।
वृ॒त्र॒हा दे᳚व॒वीत᳚मः ॥
वृ॒त्र॒हा दे᳚व॒वीत᳚मः ॥
पदपाठः (Word-by-word)
सम् । दे॒वैः । शो॒भ॒ते॒ । वृषा᳚ । क॒विः । योनौ᳚ । अधि᳚ । प्रि॒यः ।
वृ॒त्र॒॑हा । दे॒व॒॑वीत᳚मः ॥
वृ॒त्र॒॑हा । दे॒व॒॑वीत᳚मः ॥
सायणभाष्यम् (Sayana Commentary)
अयं सोमः संशोभते देवैः सह योनौ स्थाने स्वीये अधिष्ठितः वृषा कामानां वर्षकः कविः क्रान्तप्रज्ञः प्रियः प्रियभूतः सर्वेषाम् । यद्वा प्रीणयिता वृत्रहा वृत्रस्यहन्ता देववीतमः अतिशयेन देवान् कामयमानः एवं महानुभावः सोमः संशोभते ॥ ३ ॥