ए॒ष दे॒वो अम᳚र्त्यः पर्ण॒वीरि᳚व दीयति ।
अ॒भि द्रोणा᳚न्या॒सद᳚म् ॥
अ॒भि द्रोणा᳚न्या॒सद᳚म् ॥
पदपाठः (Word-by-word)
ए॒षः । दे॒वः । अम᳚र्त्यः । प॒र्ण॒वीः॑इ᳚व । दी॒य॒ति॒ ।
अ॒भि । द्रोणा᳚नि । आ॒॑सद᳚म् ॥
अ॒भि । द्रोणा᳚नि । आ॒॑सद᳚म् ॥
सायणभाष्यम् (Sayana Commentary)
एषदेवइति दशर्चं तृतीयं सूक्तं आजीगर्तेः शुनःशेपस्यार्षं गायत्रं पवमानसोमदेवताकम् । अनुक्रान्तंच-एषशुनःशेपइति । उक्तोविनियोगः ।
देवोद्योतमानः अमर्त्योमरणरहितः एषसोमो द्रोणानि द्रोणकलशानि अभि अभिलक्ष्य आसदं आसदनार्थं पर्णवीरिव यथा पक्षी तथा वेगेन दीयति गच्छति ॥ १ ॥