ए॒ष दे॒वो र᳚थर्यति॒ पव᳚मानो दशस्यति ।
आ॒विष्कृ᳚णोति वग्व॒नुम् ॥
आ॒विष्कृ᳚णोति वग्व॒नुम् ॥
पदपाठः (Word-by-word)
ए॒षः । दे॒वः । र॒थ॒र्य॒ति॒ । पव᳚मानः । द॒श॒स्य॒ति॒ ।
आ॒विः । कृ॒णो॒ति॒ । व॒ग्व॒नुम् ॥
आ॒विः । कृ॒णो॒ति॒ । व॒ग्व॒नुम् ॥
सायणभाष्यम् (Sayana Commentary)
पवमानः क्षरन्नेष सोमोदेवो रथर्यति अस्मदीयं यागं प्रत्यागमनाय रथं कामयते । दशस्यति आगत्यच अस्मभ्यमभिलषितं प्रयच्छति । वग्वनुं शब्दं आविः कृणोति अभिषूयमाणः प्रकटयति ॥ ५ ॥