आ प्या᳚यस्व॒ समे᳚तु ते वि॒श्वतः᳚ सोम॒ वृष्ण्य᳚म् ।
भवा॒ वाज᳚स्य संग॒थे ॥
भवा॒ वाज᳚स्य संग॒थे ॥
पदपाठः (Word-by-word)
आ । प्या॒य॒स्व॒ । सम् । ए॒तु॒ । ते॒ । वि॒श्वतः᳚ । सो॒म॒ । वृष्ण्य᳚म् ।
भव᳚ । वाज᳚स्य । स॒म्॑ग॒थे ॥
भव᳚ । वाज᳚स्य । स॒म्॑ग॒थे ॥
सायणभाष्यम् (Sayana Commentary)
हे सोम त्वं वायुभिरद्भिश्चाप्यायस्व प्रवृद्धोभव । ते त्वां विश्वतोवृष्णयं वर्षयोग्यं बलं समेत संगच्छताम् । संगथे संग्रामे वाजस्यान्नस्य प्रापको भव ॥ ४ ॥