स्वा॒यु॒धस्य᳚ ते स॒तो भुव᳚नस्य पते व॒यम् ।
इन्दो᳚ सखि॒त्वमु᳚श्मसि ॥
इन्दो᳚ सखि॒त्वमु᳚श्मसि ॥
पदपाठः (Word-by-word)
सु॒॑आ॒यु॒धस्य᳚ । ते॒ । स॒तः । भुव᳚नस्य । प॒ते॒ । व॒यम् ।
इन्दो॒ इति᳚ । स॒खि॒॑त्वम् । उ॒श्म॒सि॒ ॥
इन्दो॒ इति᳚ । स॒खि॒॑त्वम् । उ॒श्म॒सि॒ ॥
सायणभाष्यम् (Sayana Commentary)
हे भुवनस्य भूतजातस्य पते स्वामिन् पालक सोम । सोमस्य जगदाप्यायकत्वं तत्स्वामित्वम् । हे इन्दो सोम वयं अनुष्ठातारः स्वायुधस्य ते तव सतः सखित्वमुश्मसि कामयामहे ॥ ६ ॥
प्रसोमासइति षळृचमष्टमं सूक्तं आत्रेयस्य श्यावाश्वस्यार्षं गायत्रं सौम्यम् । अनुक्रम्यतेच-प्रसोमासःश्यावाश्वइति । गतोविनियोगः ।