स॒मी॒ची॒ना अ᳚नूषत॒ हरिं᳚ हिन्व॒न्त्यद्रि᳚भिः ।
योना᳚वृ॒तस्य᳚ सीदत ॥
योना᳚वृ॒तस्य᳚ सीदत ॥
पदपाठः (Word-by-word)
स॒मी॒ची॒नाः । अ॒नू॒ष॒त॒ । हरि᳚म् । हि॒न्व॒न्ति॒ । अद्रि᳚॑भिः ।
योनौ᳚ । ऋ॒तस्य᳚ । सी॒द॒त॒ ॥
योनौ᳚ । ऋ॒तस्य᳚ । सी॒द॒त॒ ॥
सायणभाष्यम् (Sayana Commentary)
समीचीनाः सम्यगंचिताः संगताःस्तोतारोनूषत स्तुवन्ति । किंच सोमं हरिं हरितवर्णं हिन्वन्ति प्रेरयन्ति गमयन्ति अद्रिभिर्ग्रावभिः । यस्मादेवं तस्मात् ऋतस्य यज्ञस्य योनौ स्थाने सीदत निषण्णाभवत हे देवाः ॥ ६ ॥
पुनानइति षळृचं षोडशं सूक्तं ऋष्याद्याः पूर्ववत् । पुनानइत्यनुक्रान्तम् । गतोविनियोगः ।