पव᳚स्व गो॒जिद᳚श्व॒जिद्वि᳚श्व॒जित्सो᳚म रण्य॒जित् ।
प्र॒जाव॒द्रत्न॒मा भ᳚र ॥
प्र॒जाव॒द्रत्न॒मा भ᳚र ॥
पदपाठः (Word-by-word)
पव᳚स्व । गो॒॑जित् । अ॒श्व॒॑जित् । वि॒श्व॒॑जित् । सो॒म॒ । र॒ण्य॒॑जित् ।
प्र॒जा॑व᳚त् । रत्न᳚म् । आ । भ॒र॒ ॥
प्र॒जा॑व᳚त् । रत्न᳚म् । आ । भ॒र॒ ॥
सायणभाष्यम् (Sayana Commentary)
हे सोम गोजित् शत्रूणां गवां जेता अश्वजित् अश्वानामपि जेता विश्वजित् विश्वस्य जग- तोजेता रण्यजित् रमणीयस्य धनस्यापि जेता त्वं पवस्व धारया क्षर । अपिचास्मभ्यं प्रजावत् पुत्राद्युपेतं रत्नं रमणीयं धनमाभराहर ॥ १ ॥