दे॒वेभ्य᳚स्त्वा॒ मदा᳚य॒ कं सृ᳚जा॒नमति᳚ मे॒ष्य᳚ः ।
सं गोभि᳚र्वासयामसि ॥
सं गोभि᳚र्वासयामसि ॥
पदपाठः (Word-by-word)
दे॒वेभ्यः᳚ । त्वा॒ । मदा᳚य । कम् । सृ॒जा॒नम् । अति᳚ । मे॒ष्यः᳚ ।
सम् । गोभिः᳚ । वा॒स॒या॒म॒सि॒ ॥
सम् । गोभिः᳚ । वा॒स॒या॒म॒सि॒ ॥
सायणभाष्यम् (Sayana Commentary)
हे सोम मेष्यः अवेर्लोमानि कं उदकं च अतिसृजानं त्वा त्वां देवेभ्यो देवानां विभक्तिव्यत्ययः मदाय मदार्थं गोभिर्गोविकारैः पयोभिः संवास- यामसि संवासयामः ॥ ५ ॥