इ॒मे नरो᳚ वृत्र॒हत्ये᳚षु॒ शूरा॒ विश्वा॒ अदे᳚वीर॒भि स᳚न्तु मा॒याः ।
ये मे॒ धियं᳚ प॒नय᳚न्त प्रश॒स्ताम् ॥
ये मे॒ धियं᳚ प॒नय᳚न्त प्रश॒स्ताम् ॥
पदपाठः (Word-by-word)
इ॒मे । नरः᳚ । वृ॒त्र॒॑हत्ये᳚षु । शूराः᳚ । विश्वाः᳚ । अदे᳚वीः । अ॒भि । स॒न्तु॒ । मा॒याः ।
ये । मे॒ । धिय᳚म् । प॒नय᳚न्त । प्र॒॑श॒स्ताम् ॥
ये । मे॒ । धिय᳚म् । प॒नय᳚न्त । प्र॒॑श॒स्ताम् ॥
सायणभाष्यम् (Sayana Commentary)
ये मनुष्याः मे मदीयां प्रशस्तां प्रकृष्टां धियं कर्म स्तुतिं वा पनयन्त स्तुवन्ति ब्रुवन्ति वा तइमे मयि स्निग्धा नरो मनुष्या वृत्रहत्येषु संग्रामेषु शूराः अदेवीरासुरीः विश्वाः सर्वाः मायाः अभिसन्तु अभिभवन्तु ॥ १० ॥